भारतीय चित्रपटसृष्टीचा प्रवास अनुभवण्यासाठी NMIC ला भेट द्या!
भारतीय चित्रपटसृष्टीच्या शतकी प्रवासाची मनोहारी सफर घडवणारे नॅशनल म्युझियम ऑफ इंडियन सिनेमा हे भारतातील एकमेव चित्रपट संग्रहालय आहे. भारतीय चित्रपटसृष्टीच्या प्रारंभापासून ते आजच्या आधुनिक तांत्रिक आभासी चमत्कारांपर्यंतच्या प्रवासाचा उत्सव साजरा करणारे हे एक स्मारक आहे. एनएमआयसी हे पेडर रोड, मुंबई येथे स्थित आहे.
पर्यटक एनएमआयसीमध्ये (NMIC) भारतीय चित्रपटसृष्टीचा प्रवास गोष्टीरूप शैलीत अनुभवू शकतात, ज्यात जुनी दुर्मीळ वस्तू, आकर्षक दृक्‌चित्रे, सुरेल संगीत आणि सर्जनशील ग्राफिक्स यांच्या सहाय्याने मार्गदर्शन केले जाते.
भारतीय चित्रपटसृष्टीचे राष्ट्रीय संग्रहालय (एनएमआयसी) हे आपल्या प्रकारातील एकमेव संग्रहालय आहे. याचे उद्घाटन २०१९ साली आपल्या माननीय पंतप्रधान श्री. नरेंद्र मोदी यांच्या हस्ते झाले. तेव्हापासून एनएमआयसी पर्यटकांना सर्व काही एका छताखाली आणत एक परिपूर्ण अनुभव देत आहे — बॉलीवूडच्या सुपरस्टार्सच्या यशोगाथा, मुंबईच्या झगमगाटाची झलक, जुन्या प्रकाशयंत्रणा व कॅमेरे, आधुनिक त्रिमितीय(3D) चित्रपटसृष्टी, अजरामर सुरेल गीतांपासून आधुनिक संगीतापर्यंत, आणि मोठ्या यशस्वी चित्रपटांपासून क्रांतिकारी व शाश्वत चित्रकृतींपर्यंत सर्व काही.
- भारतीय चित्रपट संग्रहालय (एनएमआयसी) हे मुंबईतील पेडर रोड येथे स्थित आहे.
- संग्रहालय दोन इमारतींमध्ये विभागलेले आहे – गुलशन महल १९व्या शतकातील वारसाहक्क असलेली बंगल्याची इमारत आणि आधुनिक ग्लास चित्रदालनज
- गुलशन महलमध्ये भारतात चित्रपट कसा आला, भारतातील पहिला पूर्ण चित्रपट, मूकपटांपासून बोलपटांपर्यंतचा प्रवास, तसेच विसाव्या शतकाच्या पहिल्या सहामाहीत भारतीय चित्रपटसृष्टी कशी विकसित झाली याचे प्रभावी सादरीकरण करण्यात आले आहे.
- ग्लास गॅलऱ्या भारतातील चित्रपटसृष्टीचा विस्तृत आढावा घेतात — विविध प्रादेशिक चित्रपटसंस्कृतींपासून ते भारतीय चित्रपटांतील तांत्रिक प्रगतीपर्यंत, आणि काळाच्या ओघात सिनेमा कसा बदलत गेला हे प्रभावीपणे मांडले आहे.
- एनएमआयसीमध्ये भारताचे ज्येष्ठ व ऑस्कर सन्मानप्राप्त दिग्दर्शक सत्यजित रे यांच्या जीवनकार्य आणि योगदानाला समर्पित एक स्वतंत्र चित्रदालन आहे.
- चित्रपटप्रेमींना एनएमआयसीमध्ये केवळ अत्याधुनिक कलावस्तुसंग्रहालयाच्या माध्यमातून भारतीय चित्रपटसृष्टीविषयी समृद्ध माहिती मिळते असे नाही, तर भारतीय चित्रपटसृष्टीत वापरल्या जाणाऱ्या आधुनिक तंत्रज्ञानाचा प्रत्यक्ष अनुभवही संवादात्मक दालनांच्या माध्यमातून घेता येतो.
- एनएमआयसीच्या दालनांमध्ये अनेक दुर्मीळ आणि जुनी प्रकाशयंत्रे, छायाचित्रण यंत्रे तसेच चित्रपट निर्मितीमध्ये वापरण्यात आलेली ऐतिहासिक उपकरणे पाहायला मिळतात.
- एनएमआयसीमध्ये, पाहुण्यांना भारतीय चित्रपटसृष्टीच्या शंभर वर्षांच्या कालरेषेवर आढावा घेता येईल – आणि शंभर वर्षांच्या कालावधीत प्रदर्शित झालेल्या काही महत्त्वपूर्ण चित्रपटांबद्दल माहिती मिळवता येईल."
